ХСҮТ-ийн захирал Н.Эрдэнэхүү эрүүл мэндийн даатгалтын цахим систем иргэд болон эмч нарт чирэгдэл учруулсаар байгаа тухай өөрийн цахим хуудсанд бичжээ. Тэрээр “Ямар сайхан хууль гарлаа. Аятайхан хэрэгжүүлчихмээр байх юм. #ЭМДЕГ Нэгдэхийн өглөө ирээд л бөөн стресс. Өвчтөнүүд эмчилгээндээ, шинжилгээндээ орох гээд, эмчдээ үзүүлэх гээд бөөн хэл ам. 4-р сарын 1-нээс эхлээд л энэ эмнэлгийн ажилчдыг тамлалаа. Энэ програмын өөрчлөлтөө нэгмөсөн хийчихээд ажиллуулж болдоггүй юм уу. Эмчийг нь, сувилагчийг нь, цахимыг нь өвчинтэй нь нийлүүлж байгаад “тамлалаа”. Өчнөөн хэллээ, бичиг илгээлээ. Одоо болоогүй юм уу. Гэнэт гэнэт “surprise” барина. Тэр биднийхээ мэдрэл, тэсвэрийг шалгах нь тасралтгүй хэдэн жилээр явлаа шүү дээ. Шалгаад болоо баймаар… Ажлаа хийж чаддаггүй юм бол юундаа тэр суудалтайгаа зууралдаад байдаг юм. Юмыг уул нь гоё хийж болно доо” хэмээн бухимдлаа илэрхийлжээ.
