Ингэж хэлэхийн учир нь "Чингэлэг тээвэр"-тэй холбоотой. 2022 он гарсаар нэг хэсэг нь чингэлэг тээврийг эхлүүлэхгүй бол Монгол Улс хоцрогдож байна гэж, нөгөө хэсэг нь чингэлэг тээврийг эхлүүлбэл юмны үнэ өснө, "Задгай тээвэр"-ээ явуулж гэж талцсан. Гэсэн ч төр "Чингэлэг тээвэр"-ийн үйл ажиллагааг эхлүүлсэн. Гэхдээ одоо ч энэ асуудал үргэлжилсээр байгаа. Яагаад гэвэл бараа бүтээгдэхүүний үнэ нэмэгдсэн учраас тэр.
Уг нь бол хүссэн ч эс хүссэн ч чингэлэг тээврийг "ИРЭЭДҮЙ" гэж харах учиртай. Бусад улс орнууд бараг 5 жилийнг өмнө үүнд шилжээд бараг хэвшсэн учраас тэр. Гэхдээ манайд бол цар тахалд сөхөрсөн, хүнд үед үүнийг хэрэгжүүлж эхэлсэн нь байгаа олоогүй сум болсон.
Нэгэнт чингэлэг тээврийг эхлүүлэхэд өргөж, буулгадаг КАЛЬМАР хэрэгтэй болсон. Гэхдээ бүр 2 ширхэг. Үүнийг нэгэн хувийн компани оруулж ирснээр чингэлэг тээврийн үйл ажиллагаа эхэлсэн байдаг.
Гэтэл Монголын төмөр зам дундуур нь цавчаа хийж зүгээр байж байгаад өдөрт 17 сая төгрөг авчихдаг гээд бодоод үз дээ. Кальмарын шатахууныг МТЗ даадаг гэх яриа бий. Тэгвэл тэр зардлаа хасахаар дор хаяж өдөрт 10 сая төгрөг тогшчихоод сууж байгаа юм.
Ийм байхад яаж бараа бүтээгдэхүүний үнэ бууна нэж санахын ч хэрэггүй. Төр засгаас үнийн хөөрөгдлийг буулгах гэж зүтгэж байхад Л.Халтар сайдын харьяаллын МТЗ иймэрхүү байдлаар өдөрт л 10 саяар нь халааслаад сууж байна.
Хаанаас гарсан юун 10, 17 сая төгрөг вэ гэж гайхах хүн олон байх биз. Тэгвэл бүгдээрээ тоо бодъё.
Компани кальмараа сард 80 мянган юаниар түрээслүүлдэг. Тэгвэл юань 460-тай байгаа. Үүнийг 30 хоногт хуваая. (80.000 х 460= 36.800.000 төгрөг : 30 хоног =1.226.600 төгрөг)
Өдөрт 1.226.600 төгрөгөөр түрээсэлдэг гэсэн үг. Гэтэл МТЗ чингэлгийн ачих буулгах зардлыг 350 мянган төгрөгөөр тооцдог байна. тэгвэл өдөрт дор хаяж 50 чингэлэг ачиж буулгадаг гэж байгаа. (50х350.000= 17.500.000 төгрөг)
Үүнд МТЗ оролцох ямар шаардлагатай юм бэ гэх асуулт гарч ирнэ. Тэгвэл ямар ч шаардлагагүй гэх хариулт яг тохирно.
Товчхондоо ямар ч зуучгүй, хөндлөнгийн оролцоогүйгээр 1 чингэлгийг өргөх буулгах зардлыг 100-150 мянган төгрөгт барьж болохоор байгаа гэдгийг эх сурвалжууд, мөн Замын-Үүдийнхэн хэлж байв.
МТЗ бол төрийн, улсын байгууллага. Тиймээс төр оролцож байгаа цагт бараа бүтээгдэхүүний үнэ буухгүй гэж ард иргэдийн зүгээс үзэж буй юм.
Ерөнхий сайдаа, нэг гараараа үнэ буулгах гэж нөгөө гараараа нэмж байгаа дүр зураг эндээс харагдаж байна. Гэтэл урд хөршид "Цено транс" гэж ганцхан компани чингэлэг тээвэр, контейнер, кальмар, бусад тээвэр гээд бүгдийг нь хийчихдэг юм билээ.
Харин манайд бүр эсрэгээрээ төртэйгээ нийлээд газар оролцож байна. Энэ хэрээр хүнд суртал байгаа нь ч мэдээж. Тиймээс барааны үнэ буухгүй ээ, гээд байгаа хэрэг. Та үүнийг мэдсэн үү.
Эх сурвалж: Erennews.mn