Тэн Гэр ТВ, Ард санхүүгийн нэгдэл ХК нар нь шүүхэд худал баримт үйлдэж гаргаж өгсөн, өнөөдрийг хүртэл үйл ажиллагаагаа явуулж байгаа байраа 2023 оны 09 дүгээр сарын 11-нд чөлөөлсөн гэж шүүхэд худал тайлбар баримтууд бүрдүүлж өгчээ.
Шүүхийн шийдвэр гүйцэтгэх ажиллагаанд Шийдвэр гүйцэтгэх газрын шинэхэн дарга нарт нөлөөлж санаатай саад учруулж хэвлэл мэдээллийн үйл ажиллагаа явуулдаг давуу байдлаа ашиглан олон нийтэд илт худал мэдээлэл тараан шийдвэр гүйцэтгэх ажиллагаанд нөлөөлжээ. Номын хишиг ХХК-ийн нэр хүнд, өмч хөрөнгө, үйл ажиллагаанд ноцтой хохирол учруулж хууль ёсны эрх ашгийг зөрчиж байна.
Та бүхэнд баримтуудаас дурдвал:
- 2022 оны 06 дугаар сарын 30-ны өдөр АСН ХК-тай байгуулсан түрээсийн гэрээ хугацаа дуусаж цаашид сунгахгүй болох тухайгаа албан ёсны баталгаат шуудангаар хүргүүлсэн байдаг
- 2022 оны 07 дүгаар сарын 22-ны өдөр ПМН ХХК нь Номын хишиг ХХК-д Түрээсийн гэрээ байгуулах тухай хүсэлт хүргүүлж байсан ч "Номын хишиг" ХХК зөвшөөрөөгүй бөгөөд талбайг суллаж өгөх тухай мэдэгдсэн
- 2022 оны 08 дугаар сарын .. -ний өдөр Номын хишиг ХХК Сүхбаатар дүүргийн ИХАШШ-д ... байрыг албадан чөлөөлүүлэх тухай нэхэмжлэл гаргасан.
- Хариуцагч тал болох ПМН ХХК нь АСН ХК-ийг гуравдагч этгээдээр оролцуулах хүсэлт гаргаж, шүүгч хүсэлтийг хангаж АСН тус хэрэгт бие даасан шаардлага гаргаагүй гуравдагч этгээдээр оролцох болсон.
- ПМН ХХК нь шүүхэд Номын хишиг ХХК-г өмчлөгч болохыг мэдээгүй, АСН ХК-ийг түрээсийн гэрээ нь сунгагдсан гэж л бодож байсан тул АСН ХХК-тай гэрээ байгуулсан гэж тайлбарласан.
- 2023 оны 09 дүгээр сарын 22-ны өдрийн шүүх хуралд ПМН ХХК болон АСН нь тус байрыг чөлөөлж АСН ХК-д хүлээлгэн өгсөн, одоо Тэнгэр ТВ тус байранд үйл ажиллагаагаа явуулахгүй байгаа, Централ Таур 202 тоот байранд цаашид үйл ажиллагаагаа явуулах болсон тул нэхэмжлэлийн шаардлагыг хэрэгсэхгүй болгож өгнө үү гэсэн тайлбарыг, 2023 оны 08 дугаар сарын 30-ны өдрийн ПМН ХХК-иас, АСН-д өгсөн Түрээсийн гэрээг цуцалж, үл хөдлөх хөрөнгийг хүлээлгэх өгөх тухай мэдээлэл, 2023 оны 09 дүгээр сарын 11-ний өдрийн Эд хөрөнгө хүлээлцсэн акт гэх зэрэг баримтыг ирүүлсэн.
- Шүүхээс Номын хишиг ХХК-ийн нэхэмжлэлийн шаардлагыг бүхэлд хангаж шийдвэрлэсэн бөгөөд
- Тус үл хөдлөх хөрөнгийн өмчлөгч нь Номын хишиг ХХК байна
- АСН -тай байгуулсан гэрээний хугацаа дууссан байна
- ПМН ХХК нь өмчлөгчтэй байгуулсан гэрээ байхгүй тул тус байрыг чөлөөлөх нь үндэслэлтэй байна гэж үзсэн.
- 2024 оны 03 дугаар сарын 11-ээс эхлэн Шийдвэр гүйцэтгэх ажиллагаа явагдаж эхэлсэн.
- Тэнгэр ТВ-д 3 удаа сайн дураар чөлөөлөх тухай мэдэгдэл өгсөн.
- 2024 оны 04 дүгээр сарын 09-ний өдөр албадан чөлөөлөх ажиллагаа эхэлсэн. 2023 оны 09 дүгээр сарын 22-ны өдрийн шүүх хурал дээр тус байрыг чөлөөлсөн, үйл ажиллагаа явуулахгүй байгаа гэж тайлбарлаж байсан Тэнгэр ТВ 2024 оны 04 дүгээр сарын 09-ний өдөр ч Номын хишиг ХХК-ийн байранд үйл ажиллагаагаа явуулсаар байсан төдийгүй өөрийн хамаарал бүхий бусад “Ten Ger League” Медиа групп, “Unread media” ХХК нартайгаа хамтран эзэмшиж, үйл ажиллагаа нь хэвийн явагдаж байсан.
- Тэн Гэр ТВ телевизийнхээ тоног төхөөрөмжүүдийг нь салгах мэргэжлийн хүн хүч байхгүй тул 1 өдрийн хугацаа өгөөч гэсэн хүсэлт албан бичгээр гаргасан.
- Шийдвэр гүйцэтгэх албаны 15 албан хаагчийн бүрэлдэхүүнтэй албадан чөлөөлөх ажиллагаа хэвийн үргэлжилж байгаад 20:00 цагт Нийслэлийн шийдвэр гүйцэтгэх газрын дарга томилогдсон даруйдаа ажиллагааг зогсоох даалгавар өгч албан чөлөөлөх ажиллагаа хууль бусаар зогссон.
- 2024 оны 04 дүгээр сарын 10-ны өдөр “Тэн Гэр” ТВ өмнөх өдрийн хүсэлтийнхээ дагуу чөлөөлөх ажиллагаагаа хийгээгүй бөгөөд Нийслэлийн шийдвэр гүйцэтгэх газарт очиж, Нийслэлийн шүүхийн шийдвэр гүйцэтгэх газрын дарга нартай хамтран дахин хугацаа сунгаж өгөхийг Номын хишиг ХХК-иас гуйж 2024 оны 04 дүгээр срын 12-ны өдрийн 09 цагт бүрэн чөлөөлсөн байна, чөлөөлж дуусаагүй бол ШШГ байгууллага мэргэжлийн хүн хүч байгаа эсэхээс үл хамааран албадан чөлөөлөх ажиллагаа хийнэ гэж тэмэгдлэл үйлдэн гарын үсэг зурж баталгаажуулсан.
- 2024 оны 04 дүгээр сарын 10 -ны өдөр “Тэн Гэр” ТВ нь өөрсдийгөө хууль бус шүүхийн шийдвэр гүйцэтгэх ажиллагааны хохирогч боллоо, учир нь бид энэ тухай огт мэдээгүй, зөвхөн “Про медиа”ХХК-г л албадан чөлөөлөх тухай шийдвэр байсан гэсэн мэдээлэл тарааж хэвлэл мэдээллээр дамжуулан шийдвэр гүйцэтгэх ажиллагаанд нөлөөлсөн. Гэвч үнэндээ Шүүхийн шийдвэр гүйцэтгэх тухай хуулийн холбогдох зохицуулалтуудад тодруулбал 100.8-д тухайн албадан чөлөөлөх байр хэний эзэмшилд байхаас үйл хамаарч султган чөлөөлж өмчлөгчид хүлээлгэн өгөх зохицуулалттай.
- 2024 оны 04 дүгээр сарын 12-ны өдрийн 09 цагт Тэнгэр ТВ болон Нийслэлийн шийдвэр гүйцгэх байгууллага аль аль нь 10ны өдөр үйлдсэн баримтынхаа дагуу албадан чөлөөлөх байран дээрээ байсангүй.
- 2024 оны 04 дүгээр сарын 12-ны өдрийн 09 цагт манай ажиллагааг хариуцсан бүх алба хаагчид буюу шийдвэр гүйцэтгэгч хошууч Д.Даваасүрэн, ахлах шийдвэр гүйцэтгэгч ахлах дэслэгч Т.Баттүшиг, дэд дарга дэд хурандаа С.Бямбарагчаа, газрын даргаар 09-ний өдөр томилогдсон шинэхэн дарга хурандаа С.Зул-Очир нарын хэн нь ч Нийслэлийн шийдвэр гүйцэтгэх газрын байрандаа ч байсангүй.
- Шийдвэр гүйцэтгэх ажиллагаанд мөн АСН удаа дараа санаатайгаар саад учруулсан. Шийдвэр гүйцэтгэх ажиллагаанд бие даасан шаардлага гаргасан гуравдагч этгээд л оролцогч болдог зохицуулалттай. Гэвч АСН бие даасан шаардлага гаргаагүй гуравдагч этгээд байж Шийдвэр гүйцэтгэх ажиллагаанд холбогдуулан Шүүхийн шийдвэр гүйцэтгэх ерөнхий газарт гомдол гаргасан. Уг гомдлыг хүлээн авах хуулийн зохицуулалт байхгүй гэдгийг мэдсээр байж Шүүхийн шийдвэр гүйцэтгэх газар 2024 оны 04 дүгээр сарын 12 -ны өдөр хүлээн авч ажиллагаанд санаатайгаар саад учруулсан.
- Шүүхийн шийдвэр гүйцэтгэх газрын дарга мөн л 2024 оны 04 дүгээр сарын 3 -нд томилогдсон Б.Нандинболор гэх шинэ хүн билээ.
- Ард Санхүүгийн Нэгдэл ХК нь Про медиа нетворк буюу Тэн Гэр ТВ-ийн ч хувьцаа эзэмшигч, Номын Хишиг ХХК-ийн ч 20 хувийн хувьцаа эзэмшигч. Гэхдээ хувьцаа эзэмшигч гэдэг нь тухайн үл хөдлөх хөрөнгийн өмчлөгч гэсэн үг биш. Компанийн эд хөрөнгийг өөрийн дураар захиран зарцуулах, бусдад түрээслэн төлбөрийг авах эрхтэй гэсэн үг биш гэдэг нь тодорхой бөгөөд Ард Санхүүгийн нэгдэл ХК-ийнхан энэ энгийг ойлголтыг мэдэхгүйдээ биш, үл тоомсорлох, иргэд олон нийтийг төөрөгдүүлэх зорилготойгоор л мэдээлэл тарааж байгаа төдийгүй хамтран ажиллагч 2 байгууллагадаа хоёуланд нь их хэмжээний хор хохирол учруулсан бизнессийн хувьд маш ёс зүйгүй үйлдэл гаргаж байна.
