Туркийн Анталья хотын ойролцоо өнгөрсөн баасан гарагт дүүжин тээврийн осол гарч, нэг хүн амиа алдаж, 180 гаруй хүн агаарт олон цагаар гацжээ.
Дүүжин тээврийн замын тулгуур багана нурсны улмаас осол болсон бөгөөд бүхээг хад, чулуулаг газар унасан. Улмаар нэг хүн амиа алдаж, долоон хүн бэртсэн гэж Туркийн Дотоод хэргийн сайд Али Йерликая мэдэгджээ.
Ослын улмаас дүүжин тээврээр үйлчлүүлж байсан 200 орчим хүн агаарт гацсан бөгөөд тэднийг аврахаар нисдэг тэрэг дуудаж, яаралтай тусламжийн 100 гаруй ажилтнуудаас гадна мэргэжлийн уулчдыг авчирсан байна.
Эх сурвалж: The Guardian
