МАН бага хурлаа хийж, УИХ-ын 2024 оны сонгуульд нэр дэвшүүлэх журмаа хэлэлсэн.
Үүнтэй холбоотойгоор МАН-ын Ерөнхий Нарийн Бичгийн Дарга, Монгол Улсын Сайд, ЗГХЭГ-ийн Дарга Д.Амарбаясгалан сэтгүүлчдийн асуултад хариулах үеэрээ: "Сонгуулийн хуулиар авилга, албан тушаалын хэрэгт холбогдоод шүүхээр эцэслэн шийдвэрлэгдсэн этгээд нэр дэвших эрхгүй байдаг. МАН-ын дүрэм ч адил. Үүнийг зарим хэвлэлийнхэн буруу ойлгоод, авилгад нэр холбогдсон бол нэр дэвшүүлэхгүй гэж мэдээлсэн байна лээ " гэжээ. Өөрөөр хэлбэл шүүхээр ял шийтгүүлээгүй л бол авилга, албан тушаалын гэмт хэрэгт холбогдсон этгээдүүд УИХ-ын 2024 оны сонгуульд МАН-аас нэр дэвших эрхтэй юм байна.
