Сэлэнгэ аймгийн Ерөө сумын Бугант тосгонд хууль бусаар ашигт малтмал олборлож байсан этгээдүүдийг илрүүлжээ.
Нийт 5 байршилд, 35 этгээд бүлэг зохион байгуулалтад орж, хууль бусаар алт олборлож байгаад Экологийн цагдаагийн албаныханд баригджээ.
Гэмт этгээдүүдийн хууль бус үйл ажиллагаандаа ашигласан экскаватор 7, алт угаах төхөөрөмж 4, зил 131 автомашин 1-ийг тус тус битүүмжлэн хураан авч, эвдэгдсэн талбайд хэргийн газрын үзлэг хийж, мөрдөн шалгах ажиллагааг үргэлжлүүлж байгаа гэлээ.
Цагдаагийн алба хаагчид хөдөлгөөн илрүүлэгчтэй нисгэгчгүй төхөөрөмж буюу дроныг ашиглан хууль бусаар ашигт малтмал олборлогч гэмт этгээдүүд, тэдгээрийн ашиглаж байсан техник хэрэгслүүдийг олж тогтоосноор энэ төрлийн гэмт хэргээс урьдчилан сэргийлэх, таслан зогсоосон байна.
Энэ төрлийн гэмт хэрэгт 50400-27000 нэгжтэй тэнцэх хэмжээний төгрөгөөр торгох, эсхүл нэг жилээс таван жил хүртэл хугацаагаар хорих ял оноодог хуулийн зохицуулалттай.
