2024 оны 03 дугаар сарын 04-ний 08 цагаас 03 дугаар сарын 05-ны 08 цаг хүртэлх цаг агаарын тойм
Цасны зузаан: Өнөө өглөөний цаг уурын станц, харуулын цасны зузааны мэдээгээр Баян-Өлгийн зүүн хойд, Ховдын хойд, Говь-Алтайн баруун өмнөд, Баянхонгор, Өвөрхангай, Өмнөговь, Дорноговийн өмнөд хэсгээр цасгүй, бусад нутгаар 0.0-46.0 см зузаан цасан бүрхүүл тогтсон байна. Үүнээс хамгийн их нь Увсын Хяргасд 46.0 см, Сагилд 43.0 см, Түргэн, Малчин, Баруунтуруунд 40.0-41.0 см, Улаангом, Давст, Зүүнговьд 34.0-37.0 см, Сүхбаатарын Түмэнцогтод 33.0 см, Төв аймгийн Борнуурд 29.0 см, бусад хэсгээр 0.0-27.0 см цасан бүрхүүл тогтсон байна.
Хур тунадас: Өнгөрсөн хоногт Өвөрхангай, Баянхонгорын зарим газар, Архангайн өмнөд, Дундговийн баруун, Өмнөговийн хойд хэсгээр 0.0-1.2 мм цас орсон байна. Үүнээс хамгийн их нь Өвөрхангайн Арвайхээр, Есөнзүйл 1.2 мм, Богд, Уянга, Баянхонгорын Жинст, Өмнөговийн Булган сумдын нутгаар 1мм, бусад нутгаар 0.0-0.9 мм цас орсон байна.
Агаарын хамгийн их температур: Өчигдөр өдөр Увс нуурын хотгор, Тэс голын хөндийгөөр 17-21 хэм, Дархадын хотгор, Завхан голын эх, Ерөө, Туул, Хэрлэн, Халх голын хөндийгөөр 12-17 хэм, Алтай, Хангай, Хөвсгөл, Хэнтийн уулархаг нутаг, Орхон-Сэлэнгийн сав газар, Хараа, Тэрэлж голын хөндий, Дорнодын тал нутгаар 7-12 хэм хүйтэн, Их нууруудын хотгор, говийн бүс нутгийн өмнөд хэсгээр 3 хэм дулаанаас 3 хэм дулаан, бусад нутгаар 3-8 хэм хүйтэн байв.
Агаарын хамгийн бага температур: Өнгөрсөн шөнө Увс нуур болон Дархадын хотгор, Завхан голын эх, Идэр,Тэс, Байдраг, Хэрлэн хөндийгөөр 31-36 хэм, Монгол-Алтай, Хөвсгөл, Хэнтийн уулархаг нутаг, Орхон, Хараа, Ерөө, Туул, Тэрэлж, Халх голын хөндийгөөр 25-30 хэм, Хангайн уулархаг нутаг, Улз Онон голын хөндий, Дорнод-Дарьгангын тал нутгаар 20-25 хэм, Монгол-Алтайн уулархаг нутаг, говийн бүс нутгийн өмнөд хэсгээр 8-13 хэм, бусад нутгаар 14-20 хэм хүйтэн байв.
Cалхи: Ихэнх нутгаар секундэд 4-9 метр, говийн аймгуудын нутгаар секундэд 12-14 метр хүрч ширүүссэн байна.
Улаанбаатар хот орчмоор: Өнгөрсөн хоногт цас ороогүй. Салхи баруун хойноос секундэд 2-7 метр. Өчигдөр өдөр 7-10 хэм, өнгөрсөн шөнө Яармаг-Сонгины орчмоор 28 хэм, бусад хэсгээр 20-22 хэм хүйтэн хоносон байна.
