Одоогоос жил гаруйн өмнө нь буюу 2022 оны есдүгээр сарын 03 /2022.09.03/-ны өдөр
шинэ үеийн уран бүтээлчид болох Артист Davaidasha, Morningstar нарыг хар тамхи, мансууруулах бодисын төрөл, сэтгэцэд нөлөөт ургамал хэрэглэсэн үндэслэлээр түр саатуулсан гэх мэдээлэл ил болж, олны анхаарлыг татаж байсан билээ. Гэвч уг асуудал нь тэгсхийгээд намжсан байдаг. Тодруулбал, Б.Аззаяа нь өнгөрсөн намар хар тамхи, мансууруулах төрлийн бодисыг худалдаалах
зорилгогүйгээр хууль бусаар хадгалж байсан гэх гэмт хэрэгт холбогдсон байна.
Тэгвэл Morningstar буюу Б.Аззаяа нь дахинэнэ төрлийн гэмт хэрэгт холбогдон, шүүхээс хорих ял сонсжээ.
Улмаар тус хэргийгЦагдаагийн ерөнхий газрын Хар тамхитай тэмцэх газар мөрдөн шалгаж, прокуророос Эрүүгийн хуулийн 20.7.1 дэх хэсэгт зааснаар буюу мансууруулах эм, сэтгэцэд нөлөөт бодисыг хууль бусаар ашиглах зүйл ангиар яллах дүгнэлт үйлдэж, хэргийг шүүхэд шилжүүлжээ. Харин Хан-Уул дүүргийн Эрүүгийн хэргийн анхан шатны шүүх уг хэргийг энэ оны нэгдүгээр сарын 10 /2024.01.10/-ны
өдөр хэлэлцээд Morningstar буюу Б.Аззаяад нэг жилийн хорих ял оноосон байна. Ташрамд өгүүлэхэд,тэрбээр өнгөрсөн 2022 онд холбогдсон хар тамхины хэрэгтээ зорчих эрхийг хязгаарлах ял сонсож, уг ялаа эдэлж дуусаад байсан гэх мэдээлэл мөн байна.