Улсын хэмжээнд хаваржилт хүндэрч, нийт нутгийн 80 гаруй хувьд цасан бүрхүүл тогтоод байна. Цаг уурын байгууллагаас гаргасан зудын үнэлгээгээр өнгөрсөн сарын 10-ны байдлаар нийт 20 аймгийн 190 сум, нийслэлийн хоёр дүүрэгт нөхцөл байдал хүндрээд байна. Зудын байдалтай байгаа энэ цаг үед ӨМӨЗО-ны төлөөллүүд монгол ахан дүүсдээ тусламжийн гараа сунгалаа.
Тэрбээр, ӨМӨЗО-ны Засгийн газар Онц байдлын танхим, Улаан загалмайн нийгэмлэг зэрэг байгууллага нэгжээрээ дамжуулан Монгол улсын гамшгийн бүсэд өдөн хүрэм, хөвөн хүрэм, гамшгийн үеэр хэрэглэх гэр бүлийн багц, малгай, бээлий зэрэг 860 мянган юань буюу 400 гаруй сая төгрөгийн өртөг бүхий эд материал хандивлажээ.
Улсын хэмжээнд зургаан аймгийн 23 суманд “төмөр буюу шилэн зуд”-ын, 17 аймгийн 88 суманд“цагаан зуд”-ын, 17 аймгийн 79 сум, нийслэлийн хоёр дүүрэгт “цагаанаар зудархуу” байна. Өчигдрийн байдлаар нийт 2 сая 136 мянган толгой мал хорогдоод байна. Сүхбаатар, Хэнтий, Дорноговь, Архангай, Дорнод зэрэг аймагт малын хорогдол хамгийн их байгаа юм.
