Иргэн Б, Х нар хамтран амьдарч байх хугацаандаа Х-гийн нэр дээр зээлийн гэрээг байгуулан, лизингээр автомашин худалдан авч, зээлээ хамтран төлж байсан боловч тэд салжээ. Салсны дараа Б машинаа унаж, зээлийн төлбөрөө төлж байтал Х машиныг нь нууцаар ачуулан авч яваад, зээлийн төлбөрийн үлдэгдэл 8,5 сая төгрөг төлж, машины гэрчилгээг өөрийнхөө нэр дээр авсан байна.
Б шүүхэд хандаж, Х-оос өнгөрсөн хугацаанд автомашины зээлийн төлбөрт төлсөн 10 сая төгрөгийг гаргуулахаар нэхэмжлэхэд, Х 2 жил машиныг унаж хэрэглэсэн тул зээлийн хүү, элэгдэл хорогдлыг төлөх ёстой гэж маргажээ.
Тэр өөрийн эзэмшилдээ машинаа нэгэнт авсан тул Б-гийн төлсөн 10 сая төгрөгийг Х буцаан төлөх үүрэгтэй.
Банк бус санхүүгийн байгууллага Х нарын хооронд автомашин худалдан авах зээлийн гэрээ, фидуцийн гэрээ байгуулагдсан, худалдан авснаас хойш Б 2 жил машиныг эзэмшиж байсан, зээлийн төлбөрт Б 10 сая төгрөгийг, Х 11 сая төгрөгийг тус тус төлсөн болох нь баримтаар тогтоогдсон байна.
Шүүх автомашиныг зээлийн хөрөнгөөр авсан тул гэрээний дагуу Х зээлийн үлдэгдэл төлбөрийг төлж, машиныг өөрийн өмчлөлдөө авах эрхтэй. Тэр өөрийн эзэмшилдээ машинаа нэгэнт авсан тул Б-гийн төлсөн 10 сая төгрөгийг Х буцаан төлөх үүрэгтэй гэж үзэж, Иргэний хуулийн 492 дугаар зүйлийн 492.1.1-т зааснаар Х-гоос 10 сая төгрөгийг гаргуулж, Б-д олгож шийдвэрлэв.492 дугаар зүйл. Бусдын хөрөнгийг үндэслэлгүйгээр олж авсан буюу эзэмшсэнээс үүсэх үүрэг492.1.Бусдын өмнө хүлээсэн үүргээ гүйцэтгэхээр хэн нэгэн этгээдэд хөрөнгө шилжүүлсэн этгээд уг зүйлийг олж авсан этгээдээс дээрх хөрөнгөө дараах тохиолдолд буцаан шаардах эрхтэй:492.1.1.хөрөнгө олж авсан этгээд болон үүрэг гүйцэтгэгч этгээдийн хооронд үүрэг үүсээгүй, эсхүл үүрэг нь хожим дуусгавар болсон буюу хүчин төгөлдөр бус болсон;
Эх сурвалж: Баянзүрх дүүргийн Иргэний хэргийн анхан шатны шүүх