Улс орон даяар сүүлийн 24 цагийн байдлаар нийт долоон гал түймэр гарч, алба хаагчид таван минутаас цаг 30 минут ажиллан унтраажээ. Гэвч эдгээр гал түймрийн нэг болох Сэлэнгэ аймагт гарсан түймрийн улмаас хоёр иргэн хүнд түлэгджээ.
Тодруулбал, Сэлэнгэ аймгийн Мандал сумын Баян-Арцат багийн Энхтайваны гудамжинд байшин шатаж байна гэсэн дуудлагыг хоёрдугаар сарын 21-ний 02:28 цагт ОБЕГ хүлээн авсан байна. Дуудлага мэдээллийн дагуу тус аймгийн Онцгой байдлын газрын Мандал сум дахь Онцгой байдлын хэлтсийн Гал түймэр унтраах, аврах 19 дүгээр ангийн алба хаагчид 2.5 км замыг туулан, 02:33 цагт очиход иргэн Я-ийн 17х8 метрийн хэмжээтэй байшингийн дээврийн хэсэг шатаж байсныг 1 цаг 21 минут ажиллаж унтраасан байна. Хари тус гал түймэрт иргэн Я/71 настай, эрэгтэй/ хөнгөн түлэгдэлтэй, О/67 настай, эмэгтэй/ хүндэвтэр түлэгдсэнийг эмнэлэгт хүргэсэн гэдгийг албаныхан мэдээллээ.
Иймд иргэд олон нийтийн галын болзошгүй аюулаас анхаарал болгоомжтой байхыг Онцгой байдлын алба хаагчид зөвлөж байна.
