Нийслэлийн Засаг дарга Х.Нямбаатар ажлаа авснаас хойш 600 шинэ автобус авч, нийтийн тээврийн парк шинэчлэлийг хийсэн.
БНХАУ-ын Yutong Bus компаниас манай улс 600 автобусыг 165.5 тэрбум төгрөгөөр худалдаж авсан. Тэгвэл Х.Нямбаатар дарга дээрх автобуснуудыг 2.9 тэрбум төгрөгөөр даатгуулахаар болж, Нийслэлийн худалдан авах ажиллагааны газар 2.9 тэрбум төгрөгийн нээлттэй тендер зарласан байна.
Энэ талаар нийслэлийн Засаг даргын нэгдүгээр орлогч П.Сайнзориг хэлэхдээ “Автобуснуудыг даатгахдаа нээлттэй тендер зарлаж, орон нутгийн төсвөөс гаргаж байгаа ч буцаан төлөлтөөс төлнө. Автобусны ашиглалтыг уртасгах, болзошгүй эрсдэлээс сэргийлэхийн тулд даатгуулах шаардлагатай. Ер нь манайд явж байгаа автобуснууд ингэж даатгагддаг. Энэ бол эд хөрөнгийн даатгал” гэлээ.
Тендерийн хугацаа дууссаны дараа хамгийн бага үнийн санал өгсөн аж ахуйн нэгжийг шалгаруулж, автобуснуудыг даатгах юм. Эхний ээлжид даатгалын мөнгө болох 2.9 тэрбум төгрөгийг нийслэлийн төсвийн тодотголд суулгахаар оруулж ирээд байгаа билээ.
Шинэ автобусны үзүүлэлтүүд:
- 2023 онд үйлдвэрлэсэн
- Монгол Улсын Авто тээврийн тухай хууль замын хөдөлгөөний дүрэм, тээврийн хэрэгсэлд тавих ерөнхий шаардлага, авто тээврийн хөдлөх бүрэлдэхүүний эргономикийн үзүүлэлтүүд нь MNS4599 2003 стандартыг хангасан
- Зөв талдаа жолооны хүрдтэй
- Багтаамжийн хувьд иргэд сууж зорчих боломжтой суудлын тоо 26-30 (+1), зогсож зорчих боломжтой хүний тоо 50-аас дээш буюу нийт зорчигчийн тоо 80-аас дээш
- Урт 10-11 метр (+-0.5), өргөн 2.4-2.5 метр (+-0.05), өндөр 3-3.3 метр (+-0.05)
- Эргэлтийн радиус 12 метрээс ихгүй
- Хөдөлгүүрийн хувьд евро 5, босоо байрлалтай
- Хөдөлгүүрийн эзлэхүүн нь 8,400cc
- Цилиндрийн тоо 6-8, чадал нь 280-350 морины хүчтэй
- Түлшний систем нь ус тусгаарлагч болон бусад механик хольцыг шүүх, цэвэрлэх төхөөрөмжтэй
- Шатахууны савны хэмжээ 200 литр ба түүнээс дээш
- Дээд хурд нь 70 км/цаг ба хурдны хязгаарлалттай
- Хурдны хайрцаг автомат эсвэл механик байж болно
- Хүйтний улиралд -40 градус хүртэл хөлдөхгүй, хийн систем нь автомат
- Автомат төвлөрсөн системтэй
- Зорчигчид зориулсан хоёр хаалгатай байх ба хаалга бүрийн дээр гэрэлтүүлэгтэй
- Автобусны хана тааз шал нь халуунаас болон хүйтнээс тусгаарлах галд тэсвэртэй материалаар хучигдсан байх бөгөөд битүүмжлэл сайтай
- Шал нь зорчигчдыг гулгаж, халтирахаас сэргийлсэн эдэлгээ даах материалаар хийгдсэн
- Шалны түвшнээс дээш 1-3 гишгүүртэй
- Жолоочийн бүхээг нь зорчигчдын танхимаас тусгаарлагдсан
- Жолоочийн бүхээг нь өвөл, зуны улиралд халуун хүйтнээр үлээх төхөөрөмжтэй
- Жолоочийн суудал аюулгүйн гурван цэгийн бүстэй, биед чийг татахгүй
- Зорчигчдод зогсоол зарлах чанга яригчтай
- Автобусны дотор талд зорчигчдод зориулсан хоёр дэлгэц, ледтэй
- Заалны чанга яригчтай
- Заалны хяналтын камер найман ширхгээс дээш бөгөөд онлайн горимд ажиллах боломжтой, урд хойд заал руу харсан, дуу дүрс бичдэг
- Зорчигчдод зориулсан бэлэн мөнгөний хайрцагтай байх
