ҮСХ-ны мэдээллээр өрхийн сарын дундаж мөнгөн орлого 2.3 сая төгрөг байна. Энэ нь өмнөх оны мөн үетэй харьцуулахад 439.3 мянган төгрөгөөр, өмнөх улирлаас 40.2 мянган төгрөгөөр нэмэгдсэн үзүүлэлт юм.
Үнийн нөлөөллийг арилган тооцвол, 2015 оны үнээр илэрхийлэгдсэн нэг өрхийн сарын дундаж бодит нийт орлого 1.3 сая төгрөг болж, өмнөх оны мөн үеэс 163.6 мянган төгрөгөөр нэмэгдсэн байна. Бодит нийт орлогын хэмжээ өмнөх оны мөн үеэс 14.1 хувиар нэмэгдэхэд цалин хөлсний бодит орлого 104.9 мянган төгрөгөөр, хөдөө аж ахуйн үйлдвэрлэлийн бодит орлого 26.1 мянган төгрөгөөр нэмэгдсэн нь голлон нөлөөлжээ.