Японы Киотогийн их сургуулийн эрдэмтэд дэлхийн анхны модон сансрын хиймэл дагуул LignoSat-ыг бүтээжээ. Энэ тухай Guardian сонин мэдээлэв.
LignoSat нь замбага модоор хийгдсэн бөгөөд Олон улсын сансрын станцад бүтэн жилийн турш хийсэн туршилтаар өндөр тэсвэртэй бөгөөд хагарлыг эсэргүүцэх чанартайгаараа давуу талтай байжээ. Зохион бүтээгчдийн үзэж байгаагаар модон төхөөрөмж нь нөөцийг хэмнэх, байгаль орчинд үзүүлэх нөлөөллийг багасгах гэсэн хоёр асуудлыг шийдэх ёстой.
“Бүх хиймэл дагуулууд дэлхийн агаар мандалд дахин орохдоо шатаж, хөнгөн цагаан оксидын өчүүхэн жижиг хэсгүүдийг бий болгож, агаар мандлын дээд давхаргад олон жилийн турш хөвөх болно. Энэ нь эцсийн дүндээ дэлхийн байгаль орчинд нөлөөлнө” гэж Киотогийн их сургуулийн Японы сансрын нисгэгч, сансрын инженер Такао Дой анхааруулжээ.
LignoSat-ыг 2024 оны зун тойрог замд гаргахаар төлөвлөж байгаа бөгөөд Олон улсын сансар судлалын ханган нийлүүлэх Orbital Sciences Cygnus хөлөг эсвэл SpaceX Dragon пуужингаар хүргэх юм.Модон хиймэл дагуул дэлхийн ойролцоох сансарт дор хаяж зургаан сар байна хэмээн туршилтыг санаачлагчид таамаглаж байна.
Эх сурвалж: “Зууны мэдээ” сонин
