Aerial view of Tokyo cityscape with Fuji mountain in Japan.
Эх орондоо эргэж ирснээсээ хойш хоригдож байгаа Тайландын Ерөнхий сайд асан Таксин Чиннаватыг хойш зургаан сарын дараа тэнсэн суллав.
Түүний суусан машин орон нутгийн цагаар 06:06 цагт Бангкок хотын цагдаагийн эмнэлгээс хөдөлсөн бөгөөд тэрбээр энэ эмнэлэгт эмнэлэгт эмчлүүлж байсан юм. Тэр энд өөрт нь оноосон нэг жилийн хорих ялын тэн хагасыг буюу зургаан сарыг эдэлжээ.
Т.Чиннаватыг тэнсэн суллах нь хуульд нийцэж байгаа гэж Тайландын Ерөнхий сайд Сретта Тависин өмнө нь мэдэгдсэн.
Тайландын Хууль зүйн яамны мэдээлснээр, өдгөө 74 настай Ерөнхий сайд асан энэ сард тэнсэн суллахыг зөвшөөрсөн 930 хоригдлын тоонд багтжээ. Тэрбээр өндөр настай, хүнд өвчтэй тул хугацаанаасаа өмнө суллагдах боломжтой болсон байна.
Т.Чиннават эх орноосоо дүрвэн гарснаасаа хойш 15 гаруй жилийн дараа өнгөрсөн оны наймдугаар сард буцаж ирсэн боловч ирсэн даруйд баривчилж, хэд хэдэн хэргээр найман жилийн хорих ял сонссон юм. Гэвч хоригдсоных нь дараахан түүнийг эрүүл мэндийн шалтгаанаар Бангкокийн шоронгоос эмнэлэгт шилжүүлжээ.
Өнгөрсөн есдүгээр сард Тайландын хаан Маха Важиралонгкорн түүний өршөөл хүссэн хүсэлтийг нь харгалзан найман жилийн хорих ялыг нь нэг жил болгон бууруулсан байна. Т.Чиннават 2001-2006 онд Тайландын Ерөнхий сайдын албыг хашиж байсан бөгөөд 2008 онд хилийн чанадад дүрвэсэн юм.
Эх сурвалж: Xinhua
