АНУ хэт авианы зэвсгийг хянах хиймэл дагуулуудыг тээсэн Falcon 9 пуужинг тойрог замд хөөргөснийг Space X олон нийтийн X сүлжээгээр дамжуулжээ.
АНУ-ын сансрын хүчний USSF-124 хөтөлбөрийн хүрээнд Флорида мужийн Канаверал хошуунаас хоёрдугаар сарын 14-ний лхагва гарагт Space X компанийн зөөгч пуужингаар хөөргөсөн гэж Пентагон мэдээлэв.
АНУ-ын Цэргийн яамнаас тодруулснаар, HBTSS (Hypersonic and Ballistic Tracking Space Sensor) дуунаас хурдан болон баллистик пуужинг хянах системийн хоёр хиймэл дагуул, түүнчлэн цэргийн тагнуулын дөрвөн аппаратыг дэлхийн нам дор тойрог замд хөөргөсөн байна.
АНУ-ын Батлан хамгаалах яам “Lockheed Martin”, “L3Harris”, “Sierra Space” компаниудаас нийт 2.5 тэрбум ам.доллараар пуужин хянах 54 хиймэл дагуул худалдаж авна гэж өмнө нь мэдээлж байсан. Эдгээр компаниуд сансрын 18 хиймэл дагуул үйлдвэрлэх ёстой бөгөөд тус бүр нь дэлхийн гадаргаас 1900 км-ийн өндөрт байрлаж, сөргөлдөгч талуудын пуужинд хяналт тавих ёстой юм.
Эх сурвалж: Лента.ру