Монгол бөхийн өргөөнд Сэлэнгэ аймгийн Мандал сумын нэрэмжит аймаг, цэргийн цолтой болон залуу бөхчүүдийн барилдаан хоёрдугаар сарын 17-ны өдөр болно. Луу жилийн анхны эл барилдаанд 256 хүчтэн зодоглох юм.
Тэгвэл Ардын хувьсгалын 102 жилийн түүхэнд Сэлэнгэ аймгаас улсын цолтой 29 бөх төрөн гарснаас зургаа нь Мандал сумынх байна. Монгол Улсын 21 дэх аварга Г.Эрхэмбаяр, улсын заан Н.Жаргалбаяр, улсын начин Ш.Зоригт, Ч.Баянмөнх, Б.Дэлгэрсайхан, Н.Баярбаатар нар тус сумын бөхчүүд билээ.
2024 он гарсаар аймаг, цэргийн цолтны гурван барилдаан болсон бөгөөд анхны барилдаанд аймгийн начин Б.Гончигсүрэн түрүүлсэн бол удаах барилдаануудад аймгийн арслан Л.Энхсаруул, аймгийн арслан Э.Мөнхжаргал нар түрүүлжээ.