Төрийн мэдлийн “Эрдэнэс Тавантолгой” ХК нь сар шинийн өмнө тус компанийн хувьцаатай иргэн бүрд 2022, 2023 оны ногдол ашгийг тараахаар болсон билээ. Угтаа хувьцаат компаниуд ногдол ашгийг сар, улирал, жилийн санхүүгийн тайланд үндэслэн ногдол ашгийг олгодог. 2023 оны жилийн эцсийн тайлангаа гаргаж, ногдол ашиг тараах шийдвэр гаргаад байгаа хувьцаат компаниудын мэдээллийг хүргэж байна.
Одоогийн байдлаар Монголын Хөрөнгийн бирж дээр ногдол ашгаа тараахаар мэдэгдээд буй найман компанид байна. Үүнд,
- Богд банк ХК
- Айтүүлс ХК
- Хасбанк ХК
- Лэндмн ББСБ ХК
- Газар шим үйлдвэр ХК
- Бодь даатгал ХК
- Тахько ХК
- Монложистикс Холдинг ХК нар багтаж буй.Ингэхдээ эдгээр компаниудын дийлэнх нь өмнөх оны буюу 2023 оны сүүлийн улирлын байдлаар эсхүл 2023 оны нийт цэвэр ашгаас ногдол ашгаа олгохоор байна. Түүнчлэн, Тахько ХК нэгж хувьцаанд 108 төгрөгийг олгож байгаагаараа хамгийн өндөр байгаа бол Хасбанк ХК 15 тэрбумын ногдол ашиг олгож байгаагаараа хамгийн өндөрт тооцогдож байгаа юм.
Нийт хувьцаа эзэмшигчдэд тарааж буй ногдол ашгийн хэмжээhttps://flo.uri.sh/visualisation/16797464/embed
Ногдол ашиг гэж юу вэ?
Ногдол ашиг гэдэг нь хувьцаа эзэмшигчдэд ашиг, ашгийн хуваарилалт юм. Ногдол ашгийг бэлэн мөнгө, хувьцаа эсвэл бусад хэлбэрээр хийж болох бөгөөд тэдгээрийг ихэвчлэн тогтмол давтамжтайгаар (сар, улирал, жил бүр) төлөвлөдөг. Гэсэн хэдий ч тогтмол бус интервалаар эсвэл нэг удаагийн байдлаар төлдөг тусгай ногдол ашиг байдаг. Компаниуд ашгаа олохдоо мөнгөө дахин хөрөнгөжүүлэх, бэлэн мөнгө барих эсвэл ногдол ашиг төлөх шийдвэр гаргаж болно. Ногдол ашиг төлөх нь хувьцааны суурь үнэ өссөн тохиолдолд боломжит үнэ цэнийн ашиг дээр хөрөнгө оруулагчдын хувьд нэмэлт шагнал юм. Ногдол ашгийн хөрөнгө оруулалт нь маш их алдартай бөгөөд хувьцааны эзэмшлээ зарахгүйгээр тогтмол орлого олох хүсэлтэй хөрөнгө оруулагчдад тохиромжтой юм.
