Украины мөргөлдөөний улмаас дэлхийн дахины батлан хамгаалах зардал есөн хувиар нэмэгдэж, 2.2 их наяд ам.долларт хүрч, дээд амжилт тогтоожээ. Үүний зэрэгцээ НАТО-гийн гишүүн орнууд энэ зардлын тал хувийг эзэлж байна гэж Олон улсын стратегийн судалгааны хүрээлэн (IISS) мэдээлэв.
“НАТО-гийн батлан хамгаалах зардал дэлхийн энэ төрлийн нийт зардлын 50 орчим хувьд хүрч өссөн. Хятад, Орос, Энэтхэгийн батлан хамгаалахын төсвийг нэмбэл дэлхийн нийт цэргийн зардлын 70 хувиас давж байна” гэж IISS 2024 цэргийн асуудлаарх тайландаа дурджээ.
Тус хүрээлэн мөн ойрын хугацаанд Орос, Украины хоорондын дайны "мухардмал төгсгөл"-ийн хувилбарыг урьдчилан таамагласан байна.
Bloomberg агентлаг IISS-ийн ахлах ажилтан Фенелла МакГуртигийн "Украйн дахь мөргөлдөөн дэлхийн батлан хамгаалахын төсвийг өсгөх гол өдөөгч хүч хэвээр байх болно" гэж хэлснийг татав.
Эх сурвалж: Лента.ру