АНУ сар бүр 70-80 мянган их бууны сум үйлдвэрлэх боломжтой, тэр дундаа Украинд илүү бүрэн дэмжлэг үзүүлэх болно. Вашингтон Киевт туслахын тулд ийм тооны сум үйлдвэрлэхэд бэлэн байгаагаа Пентагоны тэргүүний Худалдан авалт, ложистик, технологийн асуудал хариуцсан туслах Дуглас Буш илэрхийлжээ.
"Энэ нь бидэнд хэд хэдэн зүйлийг хийх боломжийг олгоно. Украйнд илүү их дэмжлэг үзүүлэх, мөн өөрийн болон илүү их нөөц шаардлагатай холбоотнуудынхаа нөөцийг нөхөх, түүнчлэн үйлдвэрлэлийн хүчин чадлыг нэмэгдүүлэх явдал" гэж тэр хэлэв.
Түүний хэлснээр, АНУ мөн Украинд илгээж буй пуужин, зенитийн пуужингийн систем болон бусад төрлийн зэвсгийн үйлдвэрлэлээ нэмэгдүүлж байна.
Өмнө нь АНУ-ын Сенат дахь Ардчилсан намын удирдагч Чак Шумер АНУ-ын тусламжгүй бол Украин үгүй болж магадгүй гэж онцолж байсан удаатай.
Бүгд найрамдахчууд үндэсний аюулгүй байдлын зорилгоор хөрөнгө хуваарилах тухай хуулийн төслийг дэмжихгүй бөгөөд үүний нэг хэсэг нь Киевт үзүүлэх санхүүгийн тусламж юм гэж тэр тэмдэглэв.
Эх сурвалж:Lеnта.ru