Нэр хүнд, цар хүрээгээрээ дээгүүрт бичигддэг Парисын Их Дуулга тэмцээний хоёр дахь өдөр эмэгтэйчүүдийн 63 кг-д зодоглосон Б.Ганхайч Монголын багийн анхны медалийг авчирлаа.
Түүний жинд 40 жүдоч зодоглосноос Б.Ганхайч хэсэгтээ Узбекистаны Севинич Исокова, Чехийн Рената Зачова, Косовогийн Лаура Фазлиуг ялаад хэсгийн аваргын төлөө Нидерландын Жоанна ван Лешотод дийлдсэн.
Улмаар дагах барилдаанд Кубын Мэрилэн Дел Торо Карвахалыг буулган авч, хүрлийн төлөө Японы Кирари Ямагүчиг ялснаар хүрэл медаль хүртлээ.
Б.Ганхайч Их Дуулга тэмцээнээс тав дахь медалиа хүртэж буй нь энэ.