Хорт хавдрын шинэ тохиолдлын тоо 2050 онд 35 сая гаруй болж, 2022 оныхоос 77 хувиар өсөх хандлагатай байгаа ажээ.
Дэлхийн эрүүл мэндийн байгууллагын (ДЭМБ) Хавдар судлалын олон улсын агентлаг (IARC) тамхи, архи, таргалалт, агаарын бохирдол зэргийг хавдрын өсөлтөд нөлөөлж буй гол хүчин зүйл гэж үзэж байна.
ДЭМБ-аас "Тамхи, архи, таргалалт зэрэг нь хорт хавдрын өвчлөл нэмэгдэхэд нөлөөлж гол хүчин зүйл бөгөөд агаарын бохирдол нь хүрээлэн буй орчны эрсдэлт хүчин зүйлсийн гол хөдөлгөгч хэвээр байна.
Хамгийн өндөр хөгжилтэй орнуудад тохиолдлын тоо хамгийн их нэмэгдэх төлөвтэй байгаа бөгөөд 2022 оны тооцоотой харьцуулахад буюу 2050 он гэхэд 4.8 сая шинэ тохиолдол оношлогдоно” гэж үзэж байна.
Үүний улмаас улс орнуудад хорт хавдрын нас баралт 2050 онд бараг хоёр дахин нэмэгдэх төлөвтэй байгааг ДЭМБ анхааруулж байна. IARC-ийн хорт хавдрын тандалтын салбарын дарга, доктор Фредди Брэй "Энэ өсөлтийн нөлөө нь улс орон бүрд өөр. Эрүүл мэндийн салбарын хөгжил сул, нөөц бага улс орнууд ачааны хүндийг үүрэх болно" гэжээ.
