Сонгуулийн өмнөх шоу буюу танил дүр зураг технологиор Монголынхоо иргэдэд ногдол ашгийн хэдхэн төгрөгийг эх орны хишиг хэмээн хүртээв. Сонгуулийн өмнөх чихэр долоолголт яах аргагүй мөн шүү. Их инээдтэй жаахан мөнгө. Ганц шуудай ч гурил авч хүрэхгүй мөнгө тараасанд иргэд гаслаж уурлаж байна. Аргагүй шүү дээ. 44 их наядын нүүрсний мөнгөнөөс 21-104 мянган төгрөг тараав. Тодруулбал 1072 хувьцаа нь бүтэн байгаа хүмүүст 2022 оны хувьцааны мөнгө гэж 116 мянга буюу үүнээсээ ХАОАТ аваад иргэний дансанд 104 мянган 800 төгрөг оров. Харин 750 хувьцаатай иргэдэд 73 мянган төгрөг орж, 222 хувьцаатай иргэдэд 21 мянган төгрөг оруулав. Энэ бол маш том доромжлол юм.
Гэтэл эрх баригчид улс төрчид эх орны баялагаас иргэдэдээ хишиг хүртээлээ. Иргэд баялагаасаа хүртэж эхэллээ хэмээн цэцэрхэж попорч байгаа харагдана. Угтаа бол урагшаа гарсан их наяд мөнгөний ихэнхийг өөрсдөө идчихээд ард түмнийг иймхэн мөнгөөр хуурав. Ард түмэн байгалийн баялагийг эрх тэгш хүртэх ёстой. Гэтэл тэгж чадахгүй байна.
44 их наядын мөнгө хаашаа хэний данс руу орсон бэ гэдэг нь ил тод. Өнөөдөр нүүрсний гэх хулгайн хэргийн бүлэглэлүүд хэдхэн жилийн ял шүүхээс авав. Хэрэв урагшаа гаргаж, урдаас оруулж ирсэн нүүрсний мөнгийг иргэдэд эн тэнцүү хувааж өгсөн бол гэж хэн ч бодно. Хулгайчид 44 их наядын нүүрсний хулгай хийгээгүй байсан бол өнөөдөр нэг хүний жилийн ногдол ашиг гэж 12 сая төгрөг байх байжээ. Гэтэл хамаг их мөнгийг нь хулгайлж хувьдаа завшаад тэрнээс хумсын толио ч хүрэхгүй жаахан мөнгийг эх орны хишиг гэж иргэдэд тараасныг иргэд эсэргүүцэж эгдүүцэж байна. Уг нь бол ЭТТ-н ногдол ашиг гэж нэг хүнд 580 мянган төгрөг өгөх ёстой гэж Г.Хажидмаа тэргүүтэй хүмүүс шаардаад байсан. Гэтэн энэ мөнгө явсаар байгаад 104 мянган төгрөг дээр буув. Ирэх гуравдугаар сард 2023 оны хувьцааны ногдол ашгийг тараана гэсэн. Тэр нь бас хэдхэн төгрөг. Хүмүүсийн хүсээд шаардаад байгаа мөнгө биш. Иймээс ногдол ашгийг ялгавартай олгохыг эсэргүүцэж иргэдээс хэвлэлийн бага хурал зарлажээ.
Ямар сайндаа л өрмийг нь өөрсдөө идэж, хусмыг нь иргэдэд өгөв гэсэн шинэ зүйр үг гарчээ. Үнэнтэй дүйцэх зүйр үг байна. Ард түмнийг хуурч доромжилж ханахгүй МАНгаруудтай гэдгийг өдөр бүр алхам тутамд харсаар байна.
