Сүүлийн 20 жилийн хугацаанд 100-аас дээш насны хүмүүсийн тоо хоёр дахин нэмэгдсэнийг албан ёсны тоо баримт харуулж байна.
Их Британийн Үндэсний статистикийн газрын мэдээллээр 2022 оны зургадугаар сарын байдлаар Англи, Уэльст нийт 120 насалж буй 15 хүн амьдарч байгаа аж. Энэ нь 100 давж насалсан хүний тоо сүүлийн таван жилийн хугацаанд 26 хувиар, 2002 оноос хойш хоёр дахин өссөн үзүүлэлт гэнэ. Мөн 105 болон түүнээс дээш насны хүмүүсийн тоо хоёр дахин нэмэгдэж, хорин жилийн дотор 300-аас 640 болжээ.
Дэлхийн 100 настай таван хүн тутмын дөрөв нь эмэгтэйчүүд байна. Мөн тоо баримтаас харахад, 90 болон түүнээс дээш насны 550 мянга гаруй хүн байгаагийн ердөө 2.7 хувь нь 100-аас дээш насныхан байна. Англи, Уэльсийн нийт хүн амын ердөө 0.03 хувийг зуун настнууд эзэлдэг бөгөөд 3333 хүн тутамд 100 настай нэг хүн ногдож байгаа аж. "Rest Less"-ийн гүйцэтгэх захирал Стюарт Льюис "Анагаах ухааны дэвшил, эрүүл амьдралын хэв маягийг сайжруулсны ачаар 100 наслах нь энгийн үзэгдэл. Өдөр тутам дасгал хөдөлгөөн хийхээс эхлээд нийгмийн харилцаатай байх, эрүүл хооллох, сайн нойр авах зэрэг нь урт наслаахад нөлөөлдөг” хэмээжээ.
Эх сурвалж: Telegraph