"Транспэрэнси Интернэшнл Монгол" ТББ-аас "Авлигын индекс 2023"-ыг өнөөдөр олон нийтэд ил зарласан талаар мэдээлэл өглөө.
Энэ жилийн авлигын төсөөллийн индексээр Монгол Улс 180 орноос 121 дүгээр байрт жагсаж, өнгөрсөн жилийнхээс 5 байраар ухарсан байна. Өөрөөр хэлбэл, Монгол Улс 2018 оноос хойш тогтмол ухарсан үзүүлэлттэй гарч байгаа юм.
"Транспэрэнси Интернэшнл Монгол" ТББ-ын гүйцэтгэх захирал Э.Мөнжаргал "Ази номхон далайн бүс нутгийн дундаж оноо 45. Нийт 31 орон хамрагддаг. Манай улсын оноо нь бүс нутгийн дунджаас доогуур үзүүлэлттэй байна.
Зүүн европ буюу хуучнаар зөвлөлтийн холбоонд байсан бүрэлдэхүүн байсан улс орнуудын оноотой харьцуулахад манай улс хоёр оноогоор бага байгаа.
Дундаас доогуур орлоготой 50 улсын авлигын төсөөллийн индексийн дундаж оноо нь 33 юм. Монгол Улсын авсан 33 оноо нь энэ ангилалд багтсан.
Манай 33 оноо гэдэг нь эдийн засаг улс төрийн хамаарлыг харуулахыг зорьсон. Өндөр орлоготой 53 улсын авлигын төсөөллийн индексийн оноо нь 65 байгаа" гэв
Авлигын индексээр :
- Улсын төсвийн хөрөнгийг зориулалтын бусаар зарцуулж байгаа эсэх
- Төрийн нийтийн албан хаагч албан тушаалаа урвуулан ашиглаж байгаа эсэх
- Төр засаг нь авлигын эсрэг үр дүнтэй тэмцэж, шударга байдлыг төрийн салбарт хэрэгжүүлж байгаа эсэх
- Авлигын хэрэгт холбогдсон төрийн албан тушаалтанд хариуцлага тооцож байгаа эсэх
- Авлигыг мэдээлсэн шүгэл үлээгч, сэтгүүлч нарыг хамгаалсан хууль эрх зүйн орчин гэх мэтчилэн асуудлыг хэмждэг юм.
