Замын хөдөлгөөний удирдлагын төвөөс өнгөрсөн долоо хоногт (2024.01.22-01.26) замын хөдөлгөөнд оролцохдоо зөрчил гаргасан тээврийн хэрэгслийн тоон мэдээллийг нийтэллээ.
Ингэхэд хамгийн их давтагдсан зөрчил гэвэл 12,427 жолооч нэгдүгээр эгнээгээр зорчиж, 1903 жолооч зориулалтын бус газар тээврийн хэрэгслээ байршуулснаас ачуулжээ.
Нэгдүгээр эгнээгээр Замын хөдөлгөөний дүрэмд зааснаар нийтийн тээврийн үйлчилгээний автобус, троллейбус, тусгай дуут болон гэрэл дохио бүхий шуурхай албаны автомашин, зөвшөөрөлтэй суудлын такси болон “Хүүхэд тээвэрлэж яваа тээврийн хэрэгсэл”, “Тулгуур эрхтний бэрхшээлтэй хүн” таних тэмдэг бүхий тээврийн хэрэгсэл зорчих ёстой.
Харин үүнээс бусад тохиолдолд Зөрчлийн тухай хуулийн 14.7.29.3-т зааснаар 20,000 төгрөгөөр торгох хариуцлага оногдуулна.
