Өнгөрсөн амралтын өдрүүдэд шатахуун түгээх станцуудад бас л жолооч нар дараалал үүсэж, зарим шатахуун түгээх станц хязгаарлалттай автобензин өгч эхэлсэн гэх мэдээлэл гарсан.
Тодруулбал, цагаан сар дөхөөд шатахууны хомсдол үүсч магадгүй гэсэн болгоомжлол байна. Харин өнөө өглөө Сод Монгол болон МТ колонкийн шатахуун түгээгчээс шатахууны нөөц хэвийн байгаа талаар асуухад "Нөөц хэвийн байгаа. Дээрээс шатахуун тасалдана нөөц хомстоно гэсэн ямар нэгэн зүйл мэдэгдээгүй. Гэвч жолооч нар өнгөрсөн амралтын өдрүүдээс эхэлж дугаарлаж, оочер дараалал үүсгээд байх юм. Дам явган яриа л сонссон юм шиг байна. Түүнээс шатахуун хэвийн олгож байгаа шүү" гэлээ.
Харин албаны эх сурвалжууд хэлэхдээ "Энэ үеэр шатахууны нөөц хэвийн шатахуун хомстож байгаа гэх асуудлаар холбогдох албаныхан хуралдаж байгаа гэх мэдээллийг өгсөн юм. Улсын хэмжээнд 2024 оны нэгдүгээр сарын 23-ны өдрийн байдлаар нийт 133.417 тн шатахууны үлдэгдэлтэй байгаа бөгөөд үүнээс А-80 автобензин 2,814 тн, АИ-92 автобензин 39,537 тн, АИ-95 автобензин 4,191 тн, Дизель түлш 82,483 тн үлдэгдэлтэй буюу А-80 автобензин 37 хоног, АИ-92 автобензин 22 хоног, АИ-95 автобензин 52 хоног, Дизель түлш 30 хоногийн ердийн хэрэглээтэй тэнцэх үлдэгдэл, нөөцтэй байна" гэсэн юм.
