Японы сансар судлалын JAXA агентлаг 1-р сарын 19-нд саран дээр амжилтгүй газардсан SLIM төхөөрөмжийн датчик эргэн сэргэж ажиллаж эхэлсэн тухай зарлалаа.
"Өнгөрсөн орой SLIM модультай холбоогоо амжилттай сэргэж, ажиллагааг дахин эхлүүллээ!" хэмээн Японы сансар судлалын агентлаг JAXA-ийн X сүлжээнд нийтэлжээ.
Японы сансрын агентлагийн мэдээлснээр SLIM-ийг асааж чадсаны дараа мэргэжилтнүүд тэр даруй спектроскопын камер ашиглан сарны гадаргууг судалж эхэлсэн байна.
SLIM аппарат саран дээр нэгдүгээр сарын 19-нд газардахдаа хажуулдаж хамар хэсэг нь газар шигдсэний улмаас нарны зай нь наран тал руугаа харж чадаагүй. Гурван цаг ажилласны дараа датчик ердөө 12%-ийн цэнэгтэй байхад мэргэжилтнүүд нарны туяа хавтан дээр тусах үеэр датчикийг эргүүлэн асаах зорилгоор унтраасан байна.
Япон нь АНУ, ЗХУ, Хятад, Энэтхэгийн дараа сарны гадаргуу дээр төхөөрөмжөө газардуулсан тав дахь улс болсон юм. Сарны гадаргуу дээр зөөлөн газардах нь сансрын судалгааны хамгийн хэцүү ажлуудын нэг юм. Өнгөрсөн цаг хугацааны туршид хийсэн бүх оролдлогын зөвхөн тал нь амжилттай болж байв.
Үүний зэрэгцээ SLIM аппарат нь өгөгдсөн цэгээс ердөө 55 метрийн зайд дээд зэргийн нарийвчлалтайгаар газардсан бол бусад улс орнууд тооцоолсон буух талбайн зөрүү ихэвчлэн километрээр хэмжигдэж байна.
Эх сурвалж: ВВС