Японы сүмо бөхийн Хацү башё буюу нэгдүгээр сарын тэмцээний сүүлийн өдрийн барилдаанууд өчигдөр боллоо. Хацү башёны дээд зиндаанд таван монгол бөх зодоглосон бөгөөд ёокозүна Тэрүнофүжи Г.Ган-Эрдэнэ түрүүллээ.
Тэрээр сүүлийн өдрийн барилдаанд нэг даваа дутуу байсан, шинэхэн Озэки Киришима Б.Лхагвасүрэнг давснаар Хацү башёг тэргүүлж буй Сэкивакэ Котоновакатай тэнцсэн юм. Улмаар тэнцүү амжилттай хоёр бөх нэмэлт барилдаан хийж их аварга 9 дэх удаа Японы эзэн хааны цомыг өргөхөөр болсон байна.