Маргааш сондгой тоотой автомашин хөдөлгөөнд оролцоно, сурагчид хичээлдээ орно
Замын хөдөлгөөний түгжрэл, ачааллыг бууруулах зорилгоор 2023/11/18-наас 2024/01/31-нийг дуустал автомашиныг улсын дугаарын тэгш, сондгойгоор замын хөдөлгөөнд оролцуулахаар шийдвэрлэсэн. Маргааш буюу нэгдүгээр сарын 29-ний өдрийн даваа гарагт сондгой тоогоор төгссөн улсын дугаартай автомашин хөдөлгөөнд оролцоно.
Мөн улсын хэмжээнд үргэлжилсэн ерөнхий боловсролын сургуулийн хоёрдугаар ээлжийн амралт дуусаж, маргаашаас хичээл эхлэх юм.
