Өнгөрсөн шөнө болсон ослын нөхцөл байдалд гадаадын улс орнуудаас Монгол Улсад суугаа элчин сайдууд эмгэнэл илрэхийлжээ.
АНУ-ын Элчин сайд Ричард Буанган:
-Өнгөрсөн шөнө Дүнжингарав худалдааны төвийн орчимд аймшигт осол гарсанд гүнээ харамсаж байна. Сэтгэл донсолгосон энэхүү ослоор амь насаа алдсан ОБЕГ-ын албан хаагчдын ар гэр, хамт олонд гүн эмгэнэл илэрхийлье. Гэмтсэн иргэдийг хурдан, бүрэн эдгэрэхийг хүсэж, энэхүү ослоор ойр дотнынхон, хамтран ажиллагсдаа алдсан, эд хөрөнгөөрөө хохирсон хүмүүст дахин гүн эмгэнэл илэрхийлье.
БНХАУ-ын Элчин сайд Шэньминь Жуан:
-БНХАУ-аас Монгол Улсад суугаа Элчин сайдын яам өглөө эрт дэлбэрэлтээс болж амь эрсдсэн Монгол Улсын Онцгой байдлын байгууллагын гурван алба хаагчид гүн эмгэнэл илэрхийлж, талийгаачдын ар гэрийнхэн болон шархадсан хүмүүст гүн эмгэнэл илэрхийлж байна.
Британийн ЭСЯ:
-Британийн ЭСЯ-ны хамт олон Дүнжингарав төвийн орчинд гарсан гамшигт ослоор амь насаа алдсан ОБЕГ-ын алба хаагчдын гэр бүлд гүн эмгэнэл илэрхийлье. Энэхүү осолд өртсөн хүн бүрийг хурдан эдгэрч, эрүүл энх байхыг хүсэн ерөөе.
Европын холбоо:
-Өнгөрсөн шөнө Баянзүрх дүүргийн 26 дугаар хорооны нутаг дэвсгэрт болсон ослын үр дагаварт бид гүнээ харамсаж байна. Үүргээ гүйцэтгэж яваад амь нас алдсан ОБЕГ-ын албан хаагчдын гэр бүл, найз нөхөд, хамт олонд гүн эмгэнэл илэрхийлье.
Канадын ЭСЯ:
-Канад улсаас Монгол улсад суугаа ЭСЯ урьд шөнө БЗД-ийн 26-р хороонд зүрх шимшрэм осол гарсанд гүнээ харамсаж байна. Ослын үеэр амь насаа алдсан ОБЕГ-ын алба хаагчдын хамт олон, ар гэрт гүн эмгэнэл илэрхийлье.
Чехийн Элчин сайд Жан Витопил:
-Өнгөрсөн шөнө болсон явдал манай яамныхныг үнэхээр цочирдууллаа. Бид ачааны машин дэлбэрсэн эмгэнэлт явдлаас болж амиа алдсан иргэдийн ар гэр, найз нөхдийн адилаар нэн харамсаж байна. Бүгдэд нь гүн эмгэнэл илэрхийлье.
Австралийн Элчин сайд Katie Smith:
-Өнгөрсөн шөнө гарсан галын осолд олон хүн өртөн ихээхэн хэмжээний хохирол учирсанд Австралийн ард түмний нэрийн өмнөөс гүн эмгэнэл илэрхийлж байна. Аймшигт ослоор ойр дотнын хүмүүс, орон гэр, аж амьдралаа алдсан хүмүүстэй бид сэтгэл зүрхээрээ хамт байгааг илэрхийлье.
