Нэг сая гаруй иргэнтэй, барилга байгууламж нь ихэдсэн Нийслэл хотод өнгөрсөн шөнө газ ачсан машин ноцтой осол гаргаж, нэлээд хэсгийг хамарсан гал түймэр гамшгийн хэмжээнд гарлаа. Аюултай гал түймрээс болж одоогийн байдлаар гурван иргэн амиа алдаж, олон хүн эрүүл мэнд эд хөрөнгөөрөө хохироод байна. Аймшигт осол шөнө 01 цагийн үед болсон бөгөөд ажил үүргээ гүйцэтгэж явсан хүмүүст гал түймэрт өртөж, биеийн байдал нь хүнд буюу сэхээн амьдруулах тасагт үхэл амьдралын заагтай тэмцэлдэж байгаа талаар нэгэн иргэн ярьжээ.
Тодруулбал, осолд өртсөн залуугийн дүүгийн ярьснаар "Манай ах орон сууцны конторт ажилладаг. Сангийн дуудлагаар явж байгаад галд өртчихлөө. Шөнө 18 дугаар байр руу дуудлагаар явж байгаад дуудлагадаа ч орж амжилгүй галд өртжээ.
Биеийн байдал нь хүнд 95 хувийн түлэгдэлтэй, сэхээн амьдруулах тасагт ухаангүй байна. Одоохондоо боолтоо хийгээд анхны арга хэмжээгээ авч байна гэж эмч нар хэлсэн. Хоолой нь их түлэгдсэн" гэлээ.
Харин тухайн иргэний охин "Эмч нар бид нартай уулзсан. Эмч нар найдвар тун бага шүү гэж хэлсэн.
Мөн түүнчлэн эмнэлгийн үүд сахиж суугаа ар гэрийнхэн нь "Ажил үүргээ гүйцэтгээд явж байгаад өртчихлөө. Үнэхээр харамсалтай. Зүгээр явж байгаад өртсөн биш. 95 хувь гэдэг найдвар тун бага гэсэн. Бид нар эмч нартаа найдаад хаалгыг нь сахиад сууж байна. Өөрөө түлэгчдихээд ажил руугаа Би түлэгдчихлээ гээд гүйгээд орсон байна билээ. Зүгээр нэг сэлгүүцэж яваад түлэгдсэн юм бишүү" гэдгийг ар гэрийнхэн нь ойлгуулж хэллээ.
