Улсын арслан Э.Оюунболд допингийн асуудлаас болж барилдах эрхээ найман жилээр хасуулаад байгаа. Тэгвэл тэрээр барилдахаар болжээ. Тодруулбал, тэрбээр нэгдүгээр сарын 27-ны өдөр буюу ирэх Бямба гаригт Өвөрмонголд болох барилдаанд зодоглох гэнэ. Энэ талаараа өөрийн цахим хуудаснаа "Сайн байцгаана уу? Өвөрмонголын ах дүүстээ шинэ жилийн мэндийг хүргэе. 2024 оны нэгдүгээр сарын 27-ны өдөр болох барилдаанд би зодоглох болно. Та бүхнийг өргөнөөр ирж үзэж, дэмжихийн хүсч байна" хэмээсэн байна.