Өнгөрсөн шөнө Дүнжингарав захын уулзвар дээр 60 тн газ тээвэрлэж явсан автомашин дэлбэрлэсэний улмаас гурван хүн амиа алдаж, олон тооны машин шатсан харамсалтай хэрэг гарлаа.
Яг одоо ослын газар Нийслэлийн Онцгой комиссын дэд даргаар ахлуулсан шуурхай штаб ажиллаж байна. Шөнийн гал унтраах ажиллагаанд Ус свугийн газар дэмжлэг үзүүлж ажиллажээ.
Эрүүл мэндийн байгууллага 207 оршин суугчдад үйлчилгээ үзүүлсэн. Урьдчилсан байдлаар 62 өрхийн 178 иргэн эдийн засаг, эрүүл мэндээрээ хохирсон гэдэг мэдээлэл ирсэн. Одоогоор 11 айлын 43 иргэн зочид буудалд байрлаж байгаа юм байна. Хэргийн газарт хуулийн байгууллага ажиллаж дүгнэлт гаргасны дараа хохирлыг хэрхэн барагдуулах вэ гэдэг дээр судалгаа хийнэ. Нийт 28 машин шатсан байгаа, зөөвөрлөнө. Осол гарсан газрыг цэвэрлэнэ гэдгийг албаныхан хэлж байна.
Хэргийн газрын үзлэг хийгдэж дууссаны дараа барилга байгууламжийн хийцлэлд мэргэжлийн байгууллагууд шалгалт хийж, цаашдаа ашиглах боломжтой эсэх дээр дүгнэлт хийнэ гэжээ.
