Өнгөрсөн шөнө БЗД-ийн нутаг дэвсгэр буюу Дүнжингарав худалдааны төвийн ойролцоо зам дээр гарсан ноцтой гал түймрийн талаар ОБЕГ-аас дөнгөж сая мэдээлэл өглөө.
Гал түймэрт албан үүргээ гүйцэтгэж явсан гурван алба хаагч өртөж, амиа алдсан мөн олон иргэд өртөж, эмнэлгийн тусламж авсан. Түүнээс гадна олон тооны машин шатаж эд хөрөнгийн хохирол их учраад байна.
Тэгвэл амиа алдсан гурван алба хаагчийн нэгнийх нь эхнэр "Нөхрөө амиа алдсаныг фэйсбүүкээс л мэдлээ. Бид хүү, охин хоёртой. Хүүхдүүддээ юу хэлэхээ мэдэхгүй байна. Одоо 10.00 цаг болж байхад ч ангиас нь бидэнтэй уулзаагүй, албан мэдээ өгөөгүй байна. Бид 06 цагаас хойш анги дээр нь сууж байна" гэжээ.
Албаныхны зүгээс цогцсыг таниулах арга хэмжээ авсны дараа ар гэрийнхэнд нь дуулгадаг гэсэн мэдээлэл байгаа юм.
