УИХ-ын гишүүн асан Т.Аюурсайхан, “Эрдэнэс Тавантолгой” ХК-ийн гүйцэтгэх захирал асан Б.Ганхуяг нарын 11 хүнд холбогдох Нүүрсний гэх хэргийн шүүх хурлыг Говийн 9 дүгээр ноён хутагт О.Данзанлувсантүдэвийн өмгөөлөгчийн хүсэлтээр долоо дахь хоногтоо хаалттай хийж байна. Нийслэлийн Чингэлтэй дүүргийн Эрүүгийн хэргийн анхан шатны шүүхэд энэ сарын 15-нд эхэлсэн гэм буруугийн шүүх хуралдаан өмнө нь 5 удаа хойшилсон. Энэ хэрэгт Т.Аюурсайхан, Б.Ганхуяг нараас гадна Т.Түвшинбаатар, X.Батхишиг, О.Данзанлувсантүдэв, Б.Отгонжаргал, Г.Гантөмөр, О.Дагвадорж, И.Даваадорж, П.Бадамханд, Б.Эрдэнэбаяр нарыг 11 хүн яллагдагчаар татагдаад байгаа юм.
