Сөүл хот 2023 оны хоёрдугаар улирлаас үүр цайхаас өмнө автомат жолоодлоготой автобус үйлчилгээнд гаргаж эхлэх талаар “Кoreatimes” мэдээлжээ.
Автомат жолоодлоготой автобус үүрийн 03:30 цагт үйлчилгээнд гарч эхлэх аж. Ердийн автобуснууд ихэвчлэн өглөөний 04.00 цагт үйлчилгээнд гардаг байна. Энэхүү санаачилга нь өглөө эрт ажилладаг тохижилт үйлчилгээний ажилчид, цэвэрлэгч, оффисын жижүүр зэрэг хүмүүст зориулан гаргаж байгаа аж.
Эхний ээлжинд автомат жодоодлоготой 160 автобус үйлчилгээнд явах бөгөөд маршрут нь Добонгсан буудлаас Жонгро, Мапо, Ёуидо буудлаар дамжин ЁнДюнпо өртөө хүрэх аж. Энэ чиглэл нь өглөө үүрээр зорчиж буй автобуснуудаас хамгийн их ачаалалтай байдаг бөгөөд үүр цайх үеэр нэг автобусанд дунджаар 50 гаруй зорчигч суудаг байна.
Түүнчлэн, автомат жолоодлоготой нийтийн тээвэр нь жолоочийн хүрэлцээний асуудлыг давхар шийдэж байгаа аж. БНСУ-д нийтийн тээврийн автобусны жолоочийн хомсдол үүсээд байгаагаас гадна автобусны жолооч нар өглөөний ээлжинд гарах дургүй байдаг байна.
Эх сурвалж: Кoreatimes