"Авлига хороолол" буюу Aqua garden хотхон ирэх аравдугаар сард ашиглалтад орох гэж байна. Тус барилгын м.кв нь 4,7-5,5 сая төгрөгийн хооронд байгааг борлуулалтын албанаас нь хэлж байна.
Түүнчлэн, "Бүх ажил хуулийн дагуу явагдаж байгаа. Зөвшөөрлүүдээ аваад, шүүхээр ялсан. Нураана гэдэг захирамжийг шүүх түдгэлзүүлсэн. Барилгын ажил одоо ч хэвийн явж байгаа" гэсэн юм.
"Авлига хороолол" буюу Aqua Garden хотхоны хоёр блокийг албадан нураах захирамжийг өнгөрсөн 2023 оны наймдугаар сард тухайн үеийн Нийслэлийн Засаг дарга Д.Сумьяабазар гаргасан. Үерийн даланг хаан барьсан барилга байгууламжуудыг нураах шийдвэр гаргасан ч өдгөө энэ шийдвэрүүд нь хэрэгжсэнгүй.
Aqua Garden хотхоны гадна фасадны ажил нь хийгдэж, дуусах шатандаа орсон байна.