Дуучин А.Хишигдалай Буриад зон олны "Хадын орой" дууг дуулснаас хойш нэлээд шүүмжлэл дагуулж, олон хүний хараал идээд байгаа юм. Учир нь түүхийн өв соёл шингэсэн, гунигт харууслын дууг орчин үеийн хэлбэрт оруулж, мөн эротик байдлаар дуулсан нь олонд таалагдахгүй байгаа юм. Тэгвэл Буриадуудаас албан ёсоор уучлалт гуйсан А.Хишигдалай өчигдөр орой мөн тайлбар хийж, дахиж хэзээ ч өв соёл шингэсэн дуу дуулахгүй гэсэн ам тангараг өгчээ.
Энэ талаар тэрбээр "Буриад зон олны дуу аялгуу ямар гоё гайхалтай гэж санана. Миний хувьд гоё гэж бодсон хувцас маань үнэхээр нойл байсан. Үнэхээр чин сэтгэлийн уучлалт хүсэж байгаа. Харин дуулалтын хувь дээр ч мөн гурван тэг буюу нойл. Үгийг нь хэлний уг завсраар хэлэхэд хэцүү байсан. Би дахиж хэзээ ч олон ястны өв шингээсэн дуунууд руу орохгүй гэдгээ андгайлан тангараглаж байна" гэжээ.