
Ерөнхийлөгч асан Х.Баттулга өнөөдөр Төрийн ордонд орж УИХ-ын дарга Г.Занданшатарт шаардлага өглөө. Тодруулбал, сайд Ч.Хүрэлбаатарын зүтгүүлээд байгаа Хөрөнгө оруулалтын тухай хуулийг экс Ерөнхийлөгч эсэргүүцэж байгаагаа илэрхийлж, ийнхүү шаардах бичиг өөрийн биеэр хүргэжээ.
Тэрбээр сэтгүүлчдэд мэдээлэл өгсөн бөгөөд "Гадуур хэлэлцэгдээд байгаа Хөрөнгө оруулалтын тухай хуулийг олон нийтээр хэлэлцүүлээчээ. Газрын асуудалд хөнгөн хуумгай хандаж болохгүй. Нэг нам дангаараа эрх барьж байгаа тохиолдолд энэ эмзэг асуудлыг хэлэлцэхийн тулд дараагийн 2024 оны сонгуулиар томсгосон тойрог бүтцээрээ та нар хэлэлцүүлээч ээ.
1993 онд тавигдсан Гадаадын хөрөнгө оруулалтын 100 мянган ам.долларыг 2013 оны 100 мянган ам.доллар гээд үргэлжлүүлж толгой эргүүлж яриад байна. 100 мянган ам.долларын босго байхгүй болоход өнөөдөр хөрөнгө оруулагч нэртэй ямар ч хүн орж ирээд манай газар нутаг дээр газрыг эзэмшээд гэр бүлээрээ оршин суух эрхтэй цоорхой хууль болох гээд байна. Тиймээс иргэдээрээ хэлэлцүүлээч, 2024 оны сонгуулийн дараа хэлэлцүүлэх ёстой юм шүү. Миний шаардлагыг Г.Занданшатар дарга хүлээж авлаа. Энэ хууль өрөөсгөл хууль болно шүү. Манай хууль тогтоомж тогтвортой байх ёстой. Би 2024 оны сонгуульд нэр дэвшихгүй байх" гэв.