Нийслэлийн Засаг дарга Х.Нямбаатар өнөөдөр сэтгүүлчидтэй уулзаж, зарим зүйлийн талаар мэдээлэл өглөө.
Тэрээр энэ үеэр "Э.Бат-Үүл даргын үед хохирсон бүх хүмүүсийг энэ сард цуглуулж уулзаад бүгдэд нь нийслэл байр олгохоор шийдсэн. Сонгинохайрхан, Сүхбаатар, Баянзүрх дүүргүүдэд байгаа айлуудад энэ гурав болон дөрөвдүгээр сард ашиглалтад орох Нийслэлийн орон сууцны корпорацын өмчлөх эрхтэй байруудыг санал болгоно. Энэ хүмүүсийг 10 гаруй жил орох оронгүй, айлаас айл дамжуулсандаа уучлалт гуйж, хохирлыг нь барагдуулах гэж байгаа.
