FIBA-гийн “3х3” сагсан бөмбөгийн хоёр том тэмцээн ирэх амралтын өдрүүдэд буюу тавдугаар сарын 28-29-нд Филиппиний нийслэл Манилад эрэгтэйчүүдийн дэлхийн “Их Дуулга”, Израилийн Тель Авив хотод эмэгтэйчүүдийн “FIBA 3x3 WOMEN SERIES” тэмцээн тус тус болно. Филлиппиний нийслэл Манилагийн “Их Дуулга”-д манай улсаас “Улаанбаатар ММС Энержи”, “Сансар ММС Энержи”, “Зайсан ММС Энержи”, “Завхан ММС Энержи” гэсэн дөрвөн баг оролцоно.
Харин Израйлийн Тель Авивт Токиогийн олимпод эх орноо төлөөлөн оролцсон Монголын 3х3 эмэгтэй шигшээ багаас гадна “Улаанбаатар Амазонс” баг өрсөлдөх юм. “Амазонс” багийн хувьд Канадын Рашида Тимбилла хэмээх тоглогчийг эгнээндээ нэгтгээд байгаа бөгөөд Израильд анхны тоглолтоо хийнэ.
