Дэлхийн эрүүл мэндийн байгууллага (ДЭМБ)-ын тэргүүн Тедрос Гебрейесус хэд хэдэн улс оронд коронавирусын (COVID-19) өвчлөлийн тоо нэмэгдэж байгаа тул амны хаалт хэрэглэх, вакцинжуулалтад буцаж орохыг зөвлөжээ. Тэрээр энэ тухай олон нийтийн сүлжээний X хуудаснаа бичжээ.
"COVID-19, томуу болон бусад эмгэг төрүүлэгчдээс үүдэлтэй амьсгалын замын өвчлөл олон оронд хэдэн долоо хоногийн турш нэмэгдэж байгаа бөгөөд сүүлийн амралтын өдрүүдээр ч үргэлжлэх төлөвтэй байна" гэж тэр хэллээ.
Гебрейюс мөн COVID-19-ийн шинжилгээ өгч, шаардлагатай бол эмнэлгийн тусламж авахыг уриалав.
Түүнчлэн ДЭМБ-ын тэргүүн вирусын халдварыг бууруулахын тулд зөвхөн амны хаалт хэрэглээд зогсохгүй өрөө тасалгааг агааржуулах, хүн хоорондын зайг сахих нь чухал болохыг онцлоод өөрийгөө болон ойр дотны хүмүүсийнхээ вакцинжуулалтын байдлыг эргэж харахыг зөвлөж байна гэж РИА Новости мэдээлэв. .
Арванхоёрдугаар сарын 23-нд ДЭМБ дэлхий даяар COVID-19-ийн өвчлөл хурдацтай нэмэгдэж байгааг мэдээлэв. Орос улс халдварын тоогоор тэргүүлж, 279,359 тохиолдол буюу 130 хувиар нэмэгджээ.
Эх сурвалж: Вечерняя Москва