Хүний амьдрах хугацааг тодорхойлох гол хэмжүүр нь дундаж наслалт билээ.
Монгол эрэгтэй, эмэгтэй хүмүүсийн дундаж наслалт 9.4 жилийн зөрүүтэй байна. Тодруулбал 2022 оны байдлаар
- эрэгтэйчүүд дунджаар 67.3 нас
- эмэгтэйчүүд дунджаар 76.7 насалж байгаа талаар Үндэсний Статистикийн хорооноос мэдээллээ.
"Эрчүүдийн нас баралтад 35-64 насныхан зонхилж байна. Энэ нь эрчүүдийн дунд халдварт бус өвчний эрсдэл их байгаатай холбоотой.
Монгол эрчүүд эрүүл мэнддээ төдийлөн анхаардаггүй, урьдчилан сэргийлэх үзлэгт хамрагддаггүй, үүнээс гадна хөдөлгөөний дутагдал, буруу хооллолт зэрэг олон шалтгаан бий. Тиймээс эрүүл зан үйлд төлөвших нь хамгийн чухал" гэдгийг Анагаах ухааны доктор О.Чимэдсүрэн хэлж байсан юм.
