УИХ-ын чуулганы хуралдаан үргэлжилсээр байна. Хэлэлцэж байгаа асуудалтай холбогдуулан гишүүд асуулт асууж хариулт авч байна.
Эдийн засгийн хөгжлийн сайд Ч.Хүрэлбаатар "Томоохон гэрээнүүд хийж байж хоёр хөрш улс оронтой хийгдэх хөрөнгө оруулалтын гэрээнүүд хийгдэнэ. Эхнээсээ гэрээгээ хийгээд явж байгаа" гэв.
УИХ-ын гишүүн Д.Ганбат "Харамсалтай байна. Гадаадын хөрөнгө оруулалтын тухай хуулийг одоо ярьж байгаа нь харамсалтай. Аль эрт яриад хэлэлцээд шийдчих байсан юм. Найман жил Засгийн эрх барьчихаад одоо тэгээд бүрэн эрх нь дуусч байхад ийм юм яриад оруулж ирж байдаг шүү.
Харин ганц гайгүй сайд байна. Ч.Хүрэлбаатар сайд их муулуулж байгаа ч хамгийн зөв зүйтэй хүн юм. Улс орны байгаа байдал Засгийн газрын ажиллаж байгаа байдлыг хараач ямар ч удаа юм. Гадны хөрөнгө оруулалт Монгол Улсад агаар ус мэт хэрэгтэй байна. Гэтэл юун босго энэ тэр яриад байгаа юм бол. Танкаар айлгадгаа одоо болих хэрэгтэй шүү" гэлээ.
