ЦЕГ-ын Хар тамхитай тэмцэх газраас иргэн Т гэгчийг 2023 оны 12 дугаар сарын 28-ны өдөр мансууруулах эм, сэтгэцэд нөлөөлөх бодис хэрэглэсэн байж болзошгүй үйлдлийг илрүүлэн шалгаж байна.
Тэгвэл иргэн Т нь Н.Төгсцогт болж хэвлэлээр нэр мэдээлэл нь гарсан бөгөөд СБД-ийн цагдаагийн хэлтсээс түүнийг хар тамхи хэрэглэсэн, зөөвөрлөсөн байж болзошгүй хэмээн цагдан хорьсон гэх мэдээлэл гарсан юм.
Харин Цагдаагийн ерөнхий газраас энэ мэдээллийг үгүйсгэж, одоогоор цагдан хориогүй, гадуур батлан даалтад байцааж, мөрдөн шалгах ажиллагаа явуулж байна гэлээ.
Зарим нэг эх сурвалжийн хэлж буйгаар Н.Төгсцогтыг олон жил хар тамхи нууж хэрэглэж байсан. Одоо л мэдэгдэж илэрч байгаа нь энэ гэсэн мэдээлэл ч байгаа юм.
