Дорноговь аймгийн Сайншанд сумаас өнгөрсөн оны аравдугаар сард 12 настай охин сураггүй алга болж, улмаар гурав хоногийн дараа цогцсыг нь олсон харамсалтай хэрэг гарсан билээ.
Харин охиныг хулгайлж авч яваад хээр аваачиж амь насыг нь хохироосон байж болзошгүй иргэнийг цагдан хорьсон байгаа. Мөн түүнтэй хамсаатан ч байж болзошгүй нэг иргэнийг цагдан хорьсон. Тэгвэл бусдын гарт харамсалтайгаар амиа алдсан охины гэх хэргийн мөрдөн байцаалтын ажиллагааг одоог болтол дуусаагүй байгаа талаар хохирогчийн өмгөөлөгч хэллээ. Мөрдөн байцаах ажиллагаа удааширалтай байгаа, дэлгэрэнгүй мэдээлэл өгөх боломжгүй гэв.
Тухайн хэрэгт холбогдуулан Бадамхатан гэгч этгээдийг Нийслэлд цагдан хорьсон байгаа бөгөөд түүнийг талийгаач охины ээжтэй хамааралтай гэсэн мэдээллийг ар гэрийнхэн нь болон өмгөөлөгч нь үгүйсгэсэн. Эх сурвалжийн хэлж буйгаар ямар ч хамааралгүй. Танихгүй, гадуур тийм мэдээлэл яваад байгаа гэв. Талийгаач охин айлын ганц хүүхэд байсан бөгөөд ээж нь тэтгэврийн насны эмэгтэй юм.
