Үзэгчдэд хүлээлт үүсгээд байсан тулаант, инээдмийн “УЛААН ЯВАР” уран сайхны кино 2024 оны нэгдүгээр сарын 1-нд тэсрэлт хийх гэж байна.
Юнивал энтэртайнментийн ээлжит бүтээл болох инээдмийн тулаант жанрын “Улаан явар” нэртэй уран сайхны кино 2024 оны нэгдүгээр сарын 1-нд бүх кино театруудад гарч эхэлнэ. Киноны гол дүрд жүжигчин У.Цогтбаяр / МУСТА /, О.Самданпүрэв, М.Мөнгөнсүх, Д.Бэхбилэг, /МУСТА/ Ц.Баясгалан /МУГЖ / болон Б.Хулан /health coach/ нар дүр бүтээжээ. Энэхүү киноны зураг авалтийг Говь-Алтай, Бигэр сумын “Онцын Улаан Явар” нэртэй байгалийн үзэсгэлэнт газар зураг авалтыг хийснээр онцлог аж. Түүнчлэн Хөвсгөл далай, Булган аймгийн үзэсгэлэнт газар, Эрдэнэт хотод ихэнх зураг авалтийг хийжээ. Энэхүү “Улаан Явар” уран сайхны кинонд “Монгол стант” баг хамтран ажиллаж, тулааны найруулагчаар Г.Цэрэгбаяр, гол дүрийн жүжигчин У.Цогтбаярын орлон тоглогчоор Б.Даваанямбуу ажиллажээ. “Улаан явар” уран сайхны кино нь Юнивал энтэртайнментийн гурав дах уран бүтээл бөгөөд “Хайрын аялгуу” /2020 /, “Миний сахилгагүй залуу” /2021/ зэрэг залуусын ээдрээт хайрын сэдэвтэй бүтээлийг тус тус бүтээж байжээ. Уг киноны найруулагч, зохиолч Б.Пүрэвдорж нь “найруулагч жүжигчин” мэргэжлээр СУИС-г төгссөн ба “Охид” /2018/ олон ангит киноны ерөнхий найруулагчаар ажиллаж байжээ. “Улаан явар” киноны нээлтийн тасалбар 2024 оны нэгдүгээр сарын 1-нээс эхлэн худалдаанд гарах бөгөөд 1 сарын нэгэнд Тэнгис болон Өргөө /IMAX/ кино театр, 1 сарын 2-нд Cinema next, 1 сарын 3-нд Өргөө 1-д тус бүр нээлтийн арга хэмжээг зохион байгуулахаар ажиллаж байна. Та бүхнийг “Улаан Явар” тулаант, инээдмийн уран сайхны киног хүрэлцэн ирж үзэхийг урьж байна.