Колумб улсын Барранкилья хотод Греммигийн шагналт дуучин Шакирагийн хөшөөг босгожээ. Тус хөшөө нь 6.5 метр өндөртэй аж.
Хөшөөний нээлтийн ёслолд хотын дарга болон дуучин бүсгүйн аав, ээж оролцжээ. Шакира хөшөөний өмнө авхуулсан аав, ээжийнхээ зургийг цахим хуудсандаа хуваалцаад хөшөөг босгосон уран бүтээлчид талархал илэрхийлсэн байна.
Хөшөөг босгосон уран бүтээлч “Энэ хөшөөгөөр дамжуулан охидыг хүссэн зүйлдээ хүрч чадна гэсэн итгэл олж аваасай гэж зорьсон” гэв.