Хамгаалалтын захиргаанаас Нийслэлийн прокурорын газарт хүсэлт тавьсны дагуу зөрчлийн хэрэг бүртгэх ажиллагаанд хяналт тавих хяналтын прокурор, хууль цаазын ахлах зөвлөх М.Гансувд Байгаль орчны хяналтын улсын байцаагч нарыг чадавхжуулах зорилгоор “Зөрчлийн хууль тогтоомжийг хэрэгжүүлэхэд анхаарах нийтлэг асуудал” сэдэвт сургалтыг 2023 оны 12 дугаар сарын 01-ний өдөр дараах 4 сэдвийн хүрээнд зохион байгуулсан. Үүнд: 
Эрх бүхий албан тушаалтан чиг үүргийн дагуу хүлээх үүрэг хариуцлага, мэдээлэл; Зөрчил, Зөрчил шалган шийдвэрлэх тухай хуулийн ойлголт, түүний онцлог; Зөрчлийн хэрэг бүртгэлтийн ажиллагаа; Эрх бүхий албан тушаалтнуудад зөрчлийн хэрэг бүртгэлийн ажиллагаанд гаргаж буй нийтлэг зөрчлүүд, анхаарах асуудал.
Тус сургалтад хамгаалалтын захиргаанаас нийт 9 байгаль орчны хяналтын улсын байцаагч хамрагдсан бөгөөд улсын байцаагч нарын өмнө нь зөрчлийн хэрэг шалгаж, шийдвэрлэх явцад гаргаж байсан алдаа, дутагдлыг бодит жишээн дээр тайлбарлан ярьж ойлгуулсан нь сургалтын үр дүнг нэмэгдүүлсэн гэж дүгнэж байна. Сургалтыг зохион байгуулсан хяналтын прокурор, хууль цаазын ахлах зөвлөх М.Гансувдаар зөрчил шалган шийдвэрлэх үйл ажиллагааны талаар цаашид мэдээ, мэдээлэл солилцож байх, улсын байцаагч нарын мэдлэг чадварыг сайжруулах талаар сургалт, дадлагыг үе шаттай зохион байгуулахаар боллоо. Сургалтын үеэр Богдхан уулын дархан цаазат гардаг нийтлэг зөрчил болон Хамгаалалтын захиргаанаас 2023 онд зөрчил шалган шийдвэрлэлт явцын талаарҮүнд:1. Богдхан уулын хязгаарлалтын бүсэд хотын төвлөрөл, хүний хөдөлгөөний нөлөөгөөр хамгаалалтын дэглэм горим зөрчих зөрчил жилээс жилд нэмэгдэж байгаа ба Хамгаалалтын захиргаанаас 2023 онд 115 иргэн, аж ахуй нэгж, байгууллагад холбогдох зөрчилд Нийслэлийн прокурорын газрын хяналт дор зөрчил шалган шийдвэрлэх ажиллагаа явуулж, байгаль орчинд учруулсан хохирлын нөхөн төлбөрт 161,336,404 сая, торгууль, шийтгэлд 396,000,000 сая, нийт 557,336,404 сая төгрөгийн торгууль, нөхөн төлбөрийг улсад төвлөрүүлсэн.2. Хамгаалалтын захиргаанаас гэмт хэргийн болон зөрчлийн бүртгэл судалгааг хөтөлж хэвшсэн бөгөөд 2023 онд гэмт хэргийн шинжтэй 11 зөрчлийг илрүүлэн саатуулж, цагдаагийн байгууллагад шилжүүлсэн (хулгайн антай холбоотой 2, зөвшөөрөлгүй мод бэлтгэсэн 1, самар, жимс байгалийн дагалт баялаг зөвшөөрөлгүй түүсэн, зарсан 8 тохиолдолд холбогдох хариуцлагыг авч ажилласан талаар мэдээлэл өглөө.Байгаль орчин, аялал жуулчлалын яамБогдхан уулын дархан цаазат газрын Хамгаалалтын захиргааБогдхан уулын хамгаалалтын захиргааБат-Өлзийн Бат-Эрдэнэ
